एजेन्सी – सूर्य र शनिलाई एकअर्काका शत्रुको रुपमा लिने गरिन्छ। बाबु–छोराको सम्बन्ध भए पनि दुईबीच शत्रुता रहने ज्योतिषीहरु बताउँछन्। शनि माघ २८ मा अस्त हुँदैछन्।
त्यस्तै सूर्य फागुन १ गते मकर राशि राशिबाट मकर राशिमा प्रवेश गर्नेछन्। सूर्य कुम्भ राशिमा प्रवेश गरेसंगै कुम्भ राशिमा सूर्य र शनिको युतीको निर्माण हुनेछ।
सूर्य र शनिको भेट हुनु केहि राशि हुनेहरुका लागि खासै शुभ नहुन सक्छ। सूर्य र शनिको युतीका कारण एक महिना निम्न राशि हुनेहरुलाई दुख मिल्न सक्छ।
कर्कट राशि
सूर्य शनिको युतिले कर्कट राशिका जातकको जीवनमा तनाव बढाउनेछ । यस समयमा तपाईं चिन्ताले घेरिनुका साथै जीवनमा तनावको सामना गर्नुपर्ने हुन सक्छ। जागिरेहरूले पनि आफ्नो काममा पूर्ण सन्तुष्टि पाउने छैनन् । तपाईमाथि कामको चाप बढ्नेछ, स्थिति अनियन्त्रित हुन सक्छ । यस अवधिमा व्यवसायीले आफ्नो व्यावसायिक जीवनमा योजना बनाउनमा बढी ध्यान दिनुपर्छ । साथै, तपाईं व्यापार साझेदारहरूको समर्थन प्राप्त गर्न सक्षम हुनुहुने छैन।
सिंह राशि
सूर्य-शनिको युतिले सिंह राशिका मानिसहरुले करियर र सम्बन्धमा केही समस्याहरुको सामना गर्नुपर्ने हुन सक्छ । व्यापारीहरूले यस अवधिमा आफूले चाहेको मुनाफा प्राप्त गर्न सक्दैनन्। तपाईंले यस समयमा आफ्नो व्यावसायिक रणनीतिहरू परिवर्तन गर्न आवश्यक छ। साथै, तपाईंको खर्चमा पनि उल्लेखनीय वृद्धि हुनेछ। जीवनसाथीसँग अहंसम्बन्धी समस्याको सामना गर्नुपर्ने हुन सक्छ । यी दुईबीच असमझदारी बढ्न सक्छ ।
तुला राशि
सूर्य र शनिको युतिले तुला राशिका जातकले आफ्नो कामबाट सन्तुष्टि महसुस गर्न सक्ने छैनन् । तपाईंले आफ्नो जीवनमा सुविधाहरूको कमीको सामना गर्नुपर्ने हुन सक्छ। यस अवधिमा व्यापारीले पनि मध्यम नाफा कमाउनेछन् । परिवारमा समस्या आउने हुनाले जीवनसाथीसँगको सम्बन्ध बिग्रन सक्छ ।
वृश्चिक राशि
सूर्य र शनिको संगाले वृश्चिक राशिका मानिसहरुले नोकरीमा लाभ प्राप्त गर्नका लागि जागिर परिवर्तन गर्नु पर्नेछ । यस समयमा तपाईंले आफ्नो परिवारमा धेरै पैसा खर्च गर्नुपर्ने हुन सक्छ। साथै, तपाईं सम्बन्ध कायम गर्न असफल हुनु हुनेछ। तपाईंको पारिवारिक जीवन अलि अस्तव्यस्त हुन सक्छ। स्वास्थ्यको दृष्टिले शनि सूर्यको युति तपाईका लागि खासै लाभदायक देखिदैन ।
कुम्भ राशि
सूर्य-शनिको युतिका कारण कुम्भ राशिका मानिसहरुले काममा आफ्नो पार्टनरसँग समस्या को सामना गर्नु पर्ला । व्यवसायीले आफ्नो काममा धेरै समस्या भोग्नुपर्ने हुन सक्छ । साथै, जीवनसाथीसँग तपाईंको सम्बन्ध धेरै राम्रो देखिंदैन। यस समयमा यात्रा गर्दा धनको हानि हुन सक्छ । जसका कारण तपाईको चिन्ता बढ्न सक्छ । तपाईंको जीवनसाथीसँग पनि झगडा हुन सक्छ।
